Songon Aek

Songon Aek

Photo by Nitish Meena / Unsplash
Songon Aek Paihut-ihut Rura.

Molo pinarrohahon ngolu on, pas songon aek paihut-ihut rura.

Boasa?

Rura na margellok songon diape galegokna di ihuthon aek i.

Adong lombang, gabe uli aek i mambaen sampuran, adong dolok mangambati, tong lam uli aek i, ai gabe telaga malah gabe tao

Jumpang tano mahiang, lam gok angka pansamotan, ai tamba pea pea laho ulaon ni angka jolma, manang panjampalan ni pinahan.

Ai namargalegok i, songon likaliku ni ngolu.

Lombang i tudoshon tingki madabu hita mandalani angka parngoluanta.

Dolok na mangambati aek i, tudoshon gagal sude pansarianta.

Tano mahiang i tingki boi hita manarihon angka keluarga dohot donganta.

Dang Loja Aek Paihut-ihut Rura.

Gok situtu siboluson ni rura i asa sahat ibana tulaut pardomuan ni nasa aek. paima diussat sian laut bahen udan didolok, nagabe mata mual, parmulaan ni batang aek i, laho paihut-ihut rura na imbaru muse.

Pas ma tutu na nidok ni natua-tua asa songon aek maho mandalanhon ngolum naso loja paihut ihut rura asa sahat tu laut parsadaan ni angka aek.

Original Post